Bernhard Wicki

دەربارەی ئەکتەر

لە ویکیپیدیا، ئینسایکلۆپیدیای ئازاد. بێرنارد ویکی (بە ئینگلیزی : Bernhard Wicki ) (٢٨ی تشرینی یەکەمی ١٩١٩ لە شاری سانت پۆلتن لە نەمسا - ٥ی ژانویەی ٢٠٠٠ لە شاری میونشن) ئەکتەر و دەرهێنەری فیلمی نەمسایی بووە. ویکی لە شاری برێسلاو بابەتەکانی وەک مێژووی هونەر، مێژوو و ئەدەبیاتی ئەڵمانی خوێندوویەتی. لە ساڵی ١٩٣٨دا گواسترایەوە بۆ شاوسپیلشول دی ستاتلیچن شاوسپیلهاوس (قوتابخانەی دراما) لە بەرلین. لە ساڵی ١٩٣٩ بەهۆی ئەندامێتی لە بوندیشن یۆگەند بۆ ماوەی چەندین مانگ لە ئۆردوگای کۆکردنەوەی ساکسنهاوزن زیندانی کرا. دوای ئازادکردنی ڕووی لە ڤیەننا کرد، پاشان لە ساڵی ١٩٤٤ بۆ سویسرا. دوای کۆتایی هاتنی جەنگی جیهانی دووەم، لە زۆر فیلمدا ڕۆڵی گێڕاوە، وەک فیلمی Die letzte Brücke (1953) و Es geschah am 20. Juli (1955). هەروەها فۆتۆگرافەر بوو. یەکەم هەوڵی دەرهێنانی دوای سێ ساڵ بە فیلمی دیکۆمێنتاریی Warum sind sie gegen uns؟ (١٩٥٨). بە فیلمی دژە جەنگ لە ساڵی ١٩٥٩ بە ناوی Die Brück ناوبانگی جیهانی بەدەستهێنا. ساڵی 1961 خەڵاتی ورچی زیوین بۆ باشترین دەرهێنەر لە 11ەمین فێستیڤاڵی نێودەوڵەتی فیلمی بەرلین بۆ فیلمی موعجیزەی باوک مەلاکیای بەدەستهێنا. دوای مردنی لە ساڵی ٢٠٠١، سندوقێک دەستیپێکرد و ناوی لێنرا لە میونشن، سندوقی یادەوەری بێرنارد ویکی. لە ساڵی ٢٠٠٢ەوە خەڵاتی فیلمی بەخشیوە بە ناوی "پرد" کە بە خەڵاتی ئاشتی دادەنرێت. خەڵاتێکی دیکە لە ساڵی ٢٠٠٦ بە بڕی ١٥ هەزار یۆرۆ بەخشرا، کە خەڵاتێکە لە ساڵی ٢٠٠٠ەوە لە شاری ئێمدن دراوە، پاترۆنی فێستیڤاڵی نێودەوڵەتی فیلم بووە لە ئێمدن-نۆردنی کە بۆ یەکەمجار لە ساڵی ١٩٩٠ دەستی پێکردووە. سەرەتا هاوسەرگیری لەگەڵ ئەگنێس فینک کرد کە هاوکارێکی نواندن بوو، دواتر هاوسەرگیری لەگەڵ ئەلیزابێس ئەندریس کرد کە هاوکارێکیشە. لە فیلمی دیکۆمێنتاریی Verstörung - und eine Art von Poesie (حوزەیرانی ٢٠٠٧)، ئەلیزابێس ویکی-ئەندریس ژیان و کارەکانی بۆ ویکی نیشان دا. لە گۆڕستانی نیمفنبورگەر لە شاری میونشن (گۆڕی ژمارە ٤-١-٢٣) بە خاک سپێردرا. وەسفکردنی سەرەوە لە وتارەکەی ویکیپیدیا Bernhard Wicki، مۆڵەتی بەپێی CC-BY-SA، لیستی تەواوی بەشداربووان لە ویکیپیدیا