Igor Petrenko

لەدایکبوونی: 1977-08-23 شوێنی لەدایکبوون: Potsdam, German Democratic Republic [now Federal Republic of Germany] تێکڕای بەرهەم: 63

دەربارەی ئەکتەر

ئیگۆر پترۆڤیچ پێترێنکۆ (بە ڕووسی : И́горь Петро́вич Петре́нко) ئەکتەرێکی ڕووسییە لە بواری سینەما و شانۆدا. لە ساڵی ٢٠٠٢ سەرۆکی ڕووسیا، ڤلادیمێر پوتین خەڵاتی دەوڵەتی ڕووسیای پێبەخشی. لە ٢٣ی ئابی ١٩٧٧ لە شاری پۆتسدام (GDR) لە بنەماڵەی سەربازانی سۆڤیەت لەدایک بووە. باوکی پیۆتر ڤلادیمیرۆڤیچ پێترێنکۆ لیوای عەقید بووە، جگە لە خزمەتی سەربازی، کاندیدی زانستە کیمیاییەکان بووە. دایکی ئیگۆر، تاتیانا ئاناتۆلیڤنا پێترێنکۆ، وەرگێڕێکی پیشەیی بوو لە زمانی ئینگلیزییەوە. کاتێک ئیگۆر تەمەنی سێ ساڵ بوو، خێزانەکە ڕوویان لە مۆسکۆ کرد. لە منداڵیدا خولیای سەرەکی لەشجوانی و جودۆ و سامبۆ بوو، لەکاتێکدا لە بابەتەکانی قوتابخانە دڵخوازەکان زمانی ئینگلیزی بوو. لە ساڵی ٢٠٠٠ لە قوتابخانەی شانۆی باڵای شچێپکین لە مۆسکۆ دەرچووە. ئیگۆر دوای ئەوەی لە زنجیرە تەلەفزیۆنی "زڤێزدا" بەشداری دەکرد، دەبێتە ئەکتەری بەناوبانگ. بەهۆی ڕۆڵی لە زنجیرەکەدا خەڵاتی "نیکا"ی لە پاڵێوراوی "دۆزینەوەی ساڵ" لە ساڵی ٢٠٠٣ بەدەستهێنا. بەهۆی لێهاتوویی نواندنەوە، ئەو ئەکتەرە خەڵاتی سەرۆکایەتی (بە فەرمی خەڵاتی دەوڵەتی فیدراسیۆنی ڕووسیا)ی پێبەخشرا، لە ساڵی ٢٠٠٤ وەک باشترین ئەکتەری گەنج خەڵاتی "سەرکەوتن"ی پێبەخشرا. لە ساڵی ٢٠١٢ ڕۆڵی شێرلۆک هۆڵمزی لە زنجیرەیەکی نوێدا ئەنجامدا کە لەسەر بنەمای بەرهەمەکانی ئارسەر کۆنان دۆیل دامەزراوە. لە ویکیپیدیا، ئینسایکلۆپیدیای ئازاد