Peter Stormare

دەربارەی ئەکتەر

پیتەر ستۆرمێر (بە ئینگلیزی : Peter Stormare ) لە ٢٧ی ئابی ١٩٥٣ لە شاری ئاربرۆ لە شاری گاڤلیبۆرگس لان لە سوید لەدایکبووە. ئەکتەری فیلم و شانۆ و دەنگی و تەلەفزیۆنی سویدییە و هەروەها دەرهێنەری شانۆ و شانۆنامەنووس و مۆسیقاژەنی سویدییە. ڕەنگە بە ڕۆڵی جۆن ئەبرۆزی لە فیلمی Prison Break و وەک Gaear Grimsrud کە یەکێکە لە دوو ڕفێنەرەکەی فارگۆ ناسراوە. پیتەر ستۆرمێر لە شانۆی نیشتمانی شاهانەی سوید دەستی بە کاری نواندن کردووە و بۆ ماوەی یازدە ساڵ نمایشی کردووە. لە ساڵی ١٩٩٠ بووە بە بەڕێوەبەری هونەری هاوبەش لە شانۆی تۆکیۆ گڵۆب و دەرهێنانی بەرهەمی زۆرێک لە شانۆنامەکانی شکسپیری کردووە، لەنێویاندا "هاملێت". لە ساڵی ١٩٩٣ ڕووی لە نیویۆرک کرد و لەوێ لە بەرهەمە ئینگلیزییەکان دەرکەوت. بەردەوامە لە کارەکانی هەم لە ئەمریکا و هەم لە وڵاتی خۆی سوید. لەگەڵ هاوسەرەکەی لە شاری لۆس ئەنجلۆسی ویلایەتی کالیفۆرنیای ئەمریکا نیشتەجێیە.