Angela Schanelec

دەربارەی ئەکتەر

ئەنجێلا شانێلێک ([aŋˈɡeːla ˈʃaːnəlɛk]؛ لەدایکبووی ١٩٦٢) سینەماکار و ئەکتەری ئەڵمانییە. فیلمەکانی بۆ یەکەمجار لە چەندین فێستیڤاڵی فیلمی بەناوبانگدا نمایشکراون، لەوانە فێستیڤاڵی فیلمی کان، فێستیڤاڵی نێودەوڵەتی فیلمی بەرلین و فێستیڤاڵی نێودەوڵەتی فیلمی تۆرۆنتۆ. زۆرجار بەراورد دەکرێت بە چەندین سینەماکاری ئاڤانگاردی ئەوروپی، وەک شانتال ئاکەرمان، مایکل ئەنتۆنیۆنی و ڕۆبەرت بریسۆن کە وەک کاریگەرییەکی گرنگ ئاماژەی پێکردووە. لە ٦٩ەمین خولی فێستیڤاڵی نێودەوڵەتی فیلمی بەرلین، شانێلێک خەڵاتی ورچی زیوینی بۆ باشترین دەرهێنەر بەدەستهێنا بۆ فیلمی “من لە ماڵەوە بووم، بەڵام...” (٢٠١٩). لە ٧٣هەمین فێستیڤاڵی نێودەوڵەتی فیلمی بەرلین، شانێلێک خەڵاتی ورچی زیوینی بۆ باشترین سیناریۆ بۆ فیلمەکەی “مۆسیقا” (٢٠٢٣) بەدەستهێنا. شانێلێک لە شاری ئالن لە بادن ڤورتێمبێرگ لە ئەڵمانیا لەدایکبووە. کاری هونەری وەک ئەکتەر لەسەر شانۆ دەستیپێکردووە، بەڵام ئێستا بە کاری سینەماکاری ناسراوە، کە لە ماوەی کارکردنی لە ئەکادیمیای فیلم و تەلەفزیۆنی بەرلین (dffb) دەستیپێکردووە. لەو ماوەیەدا لە ژێر دەستی هارون فارۆکی و هارتموت بیتۆمسکی خوێندوویەتی و کریستیان پێتزۆڵد و تۆماس ئارسلانی ناسیوە. پێکەوە بەناو شەپۆلی یەکەمی قوتابخانەی بەرلینیان پێکهێنا.