Richard Sorge

دەربارەی ئەکتەر

ڕیچارد سۆرج (بە ئینگلیزی : Richard Sorge ) (٤ی تشرینی یەکەمی ١٨٩٥ - ٧ی تشرینی دووەمی ١٩٤٤) ڕۆژنامەنووسێکی ئەڵمانی و ئەفسەری هەواڵگری سەربازی سۆڤیەت بوو، پێش جەنگی جیهانی دووەم و لە کاتی جەنگی جیهانیدا چالاک بوو، بە نهێنی وەک ڕۆژنامەنووسێکی ئەڵمانی لە هەردوو ئەڵمانیای نازی و ئیمپراتۆریەتی ژاپۆن کاری دەکرد. ناوی کۆدی "رامسای" بوو. ژمارەیەک کەسایەتی بەناوبانگ ئەویان بە یەکێک لە بەتواناترین سیخوڕەکان دەزانی. سۆرگێ زۆرترین ناوبانگى ئەو خزمەتەى لە ژاپۆن هەیە لە ساڵانى 1940 و 1941، کاتێک زانیاری لەسەر پلانى ئەدۆلف هیتلەر بۆ هێرشکردنە سەر یەکێتى سۆڤیەت داوە. لە ناوەڕاستی ئەیلولی ساڵی ١٩٤١ سۆڤیەت ئاگادار دەکاتەوە کە ژاپۆن لە داهاتوویەکی نزیکدا هێرش ناکاتە سەر یەکێتی سۆڤیەت. نووسەرانی جۆراوجۆر پێشبینیان کردووە کە ئەم زانیاریانە ڕێگەی بە ستالین داوە ١٨ فیرقە و ١٧٠٠ تانک و زیاتر لە ١٥٠٠ فڕۆکە لە سیبیریا و ڕۆژهەڵاتی دوورەوە بگوازێتەوە بۆ بەرەی ڕۆژئاوا لە دژی زلهێزەکانی میحوەری ڕۆژئاوا لە کاتی شەڕی مۆسکۆدا. بەڵام کۆدشکێنەکانی سۆڤیەت کۆدە دیپلۆماسییەکانی ژاپۆنیان شکاندبوو و مۆسکۆ پێشتر لە سیگناڵەکانی هەواڵگرییەوە دەیزانی کە لە ساڵی ١٩٤١دا هیچ هێرشێکی ژاپۆن بۆ سەر یەکێتی سۆڤیەت ڕوونادات. دوای مانگێک سۆرگێ لە ژاپۆن بە تۆمەتی سیخوڕی دەستگیرکرا. لە تشرینی دووەمی ساڵی ١٩٤٤دا ئەشکەنجە درا و ناچارکرا دان بەخۆیدا بنێت و دادگایی کرا و هەڵواسرا، دوای مردنی لە ساڵی ١٩٦٤ نازناوی پاڵەوانی یەکێتی سۆڤیەتی پێبەخشرا.