Jaak Joala

دەربارەی ئەکتەر

جاک جوالا (بە ئینگلیزی : Jaak Joala ) لە ٢٦ی حوزەیرانی ١٩٥٠ - ٢٥ی ئەیلوولی ٢٠١٤ گۆرانیبێژ و مۆسیقاژەنی ئیستۆنی بووە و ئەندامی دوو تیپی مۆسیقای کریستالید و ڤیرمالیزەد بووە. وەک فلۆتیست دەستی پێکرد، دواتر گۆرانی و گیتاری باسی زیاد کرد. جاک جوالا لە شاری ڤیلجاندی پایتەختی ئیستۆنیا لەدایک بووە و لە شاری تالین گەورە بووە. دایکی ناوی هێلجی ڕیدامایە و مامۆستای مۆسیقا بووە لە قوتابخانە جیاوازەکانی شاری تالین. باوکی ناوی ئارنۆ جوالا بوو کە مۆسیقاژەن بووە و دواتر بە چارەسەرکەریش ناسرا. کاتێک جاک تەمەنی بوو بە حەوت ساڵ، دەستی کرد بە وانەی پیانۆ و لە هەرزەکاریدا دەستی کرد بە وانەی فلوتیش. کاری مۆسیقای خۆی لەگەڵ گروپی بیت کریستالید (بە ئینگلیزی: The Crystals) لە ساڵی ١٩٦٦ وەک فلۆتیست، پاشان وەک گۆرانیبێژ و بەیسژەن دەستی پێکردووە. لە ساڵی ١٩٦٨ یاریزانی بەیس و گۆرانیبێژی سەرەکی بووە لە گروپی بەناوبانگی Virmalised (بە ئینگلیزی: Northern Lights). لەگەڵ Virmalised چەند گۆرانییەکی Toivo Kurmet ی وت: Ainult sul (تەنها تۆ هەتە)، Ma ei tea، miks (نازانم بۆچی)، Naer (پێکەنین)، Taas on päev (جارێک جارێکی تر ڕۆژ) و Üksinda (بە تەنیا). جۆالا بە گۆرانی وتن بە زمانی زگماکی خۆی مۆسیقای ڕۆکی ڕۆژئاوایی بە بینەرانی ئیستۆنیا و سۆڤیەت ناساند. لە ساڵانی هەشتاکانی سەدەی ڕابردوودا نازناوی شووشەی کرێملینی بەدەستهێنا، چونکە زۆرجار لە ڕووسیا نمایشی دەکرد و تۆماری دەکرد، بەشێکی زۆری ڕێپرتوارەکەی کە پێکهاتبوو لە گۆرانییەکانی ئاوازدانەرە گەورەکانی وەک ڕەیمۆندز پاوڵز، دەیڤید توخمانۆڤ و ئەلێکساندەر زاتسێپین، لەو سەردەمەدا بە زمانی ڕووسی دەوترێتەوە. لە ساڵانی نەوەدەکاندا، ناسراوترین پڕۆژەکانی جۆالا وەک گۆرانیبێژێک لەگەڵ کۆلان ئەلڤیلاڤ جی (بە ئینگلیزی: ژێردەریایی زەرد جی) بوو. ئەوان لەگەڵ ئیڤۆ لینا، کارل مادیس، میلیس پوندەر و چەندانی تر مۆسیقای ساڵانی شەستەکانیان پێشکەش کرد. لە ناوەڕاستی ساڵانی نەوەدەکاندا لە کۆنسێرتەکانی هاوبەشدا لەگەڵ ئیڤۆ لینا و تۆنیس ماگی بەشداری کردووە. گەشتە کۆنسێرتەکە بە شێوەیەکی نافەرمی نازناوی The Three Tenors Tour ی لێنرا. دوای ساڵانی نەوەدەکان جۆالا کاتەکانی بۆ وانەوتنەوە و بەرهەمهێنان و میوانداریکردن لە تیڤی/رادیۆ تەرخان کرد. لە دە ساڵی کۆتایی ژیانیدا تا ڕادەیەکی زۆر خۆبەدەستەوەدان بوو.