Hou Minghao

دەربارەی ئەکتەر

هوو مینگهاو (بە ئینگلیزی : Hou Minghao )، ئەکتەری چینی و گۆرانیبێژی پۆپ، لە شاری پەکین لە وڵاتی چین لەدایک بووە. دەرچووی ئەکادیمیای مۆسیقای هاوچەرخی پەکین بووە. هۆو مینگاو لە تەمەنی چوار ساڵییەوە دەستی بە فێربوونی ئاکۆردیۆن کردووە و لە پێشبڕکێکانی مۆسیقای پەکین خەڵاتی وەرگرتووە. لە ساڵی ٢٠١٢ بووەتە ڕاهێنەری کۆمپانیای کات بەسەربردن لە کۆریای باشوور، ئێس ئێم ئینتەرتەینمەنت، لەوێ بۆ ماوەی ساڵ و نیوێک ڕاهێنانی کردووە. لە ساڵی ٢٠١٤ گەڕایەوە چین و لە ڕێگەی ڕاهێنراوی شانگ لاوبانەوە وەک ڕاهێنراو پەیوەندی بە ستۆدیۆی شانگ وێنجیەوە کرد. لە 12ی کانوونی دووەمی 2014، هۆو بۆ یەکەمجار وەک ئەندامی گروپی کوڕان Fresh Geek Youth دەرکەوت، یەکەم ئەلبوومی خۆیان بە ناوی UP 4 U بڵاوکردەوە، گروپەکە خەڵاتی باشترین گروپی نوێی لە 22هەمین خەڵاتی مۆسیقای بای ڕۆژهەڵات و هەور لە ساڵی 2015 وەرگرت. هوو مینگاو یەکەم جار لە بواری نواندندا لە فیلمی Funny Soccer (2015) دەرکەوت. لە ساڵی ٢٠١٦ یەکەم گۆرانی خۆی بڵاوکردەوە کە خۆی نووسیبووی بەناوی Super Dad. خەڵاتی باشترین ئەکتەری تەلەفزیۆنی پۆتانسێلی ساڵی لە خەڵاتی تێنسێنت ڤیدیۆ ستارلایت لە ساڵی ٢٠١٨ وەرگرت. هۆو مینگاو لە ساڵی ٢٠١٤ تا ٢٠١٦ سەر بە کۆمپانیای بلاک گۆڵد فەشن و لە ساڵی ٢٠١٦ تا ٢٠٢١ سەر بە کۆمپانیای بلاک گۆڵد ئینتەرتەینمەنت بووە، لە مانگی کانوونی دووەمی ٢٠٢١ پەیوەندی بە کۆمپانیای هێسۆنگ میدیاوە کردووە.