Sean Dulake

دەربارەی ئەکتەر

شۆن دولاکی ئەکتەرێکی ئەمریکییە و چالاکانە لە کۆریا و وڵاتانی تری ئاسیا کاردەکات. شۆن لە ٩ی حوزەیرانی ١٩٨٤ لە شاری لۆس ئەنجلۆسی ویلایەتی کالیفۆرنیا لە دایکبووە، باوکێکی بەریتانی و دایکێکی کۆرییە، دەرچووی زانکۆی بۆستن بووە و دواتر لە ناوچەی لۆس ئەنجلۆس کاری نواندنی خوێندووە. لە ساڵی ٢٠٠٧ بۆ ئەوەی زیاتر دەربارەی میراتی کۆرییەکەی بزانێت ڕووی لە کۆریا کردووە و بۆ ماوەی ساڵێک لە زانکۆی نیشتمانی سیئۆل خوێندوویەتی بۆ ئەوەی فێری قسەکردنی زمانی کۆری بێت. یەکەم کاری نواندنی کۆری لە زنجیرە درامای تەلەفزیۆنی مێژوویی “Jejoongwon” لە ساڵی ٢٠١٠ ئەنجامدا و لەو کاتەوە ڕۆڵی لە دراما بەناوبانگەکانی دیکەی کۆریدا گێڕاوە، لەوانە “ئەتینا: خوداوەندی جەنگ” (٢٠١٠)، “جەژنی خوداوەندەکان” (٢٠١٢) و “ئاگاداری ئێمە، کاپتن” (٢٠١٢). هەروەها ڕۆڵی سەرەکی لە بەرهەمە ئەمریکییەکان بینیوە، لەوانە کورتە فیلمی “مۆرنینگ ستار” (٢٠١٤) و “کتاون کاوبۆیز” (٢٠١٥). هەروەها لە ساڵی ٢٠١٢دا، شۆن ڕیچارد میوانداری فیلمی “کۆریای داهاتوو: دۆزینەوەی هالیوود”ی کرد، کە فیلمێکی دیکۆمێنتاریی کەناڵی دیسکۆڤەری بوو سەبارەت بە بڵاوبوونەوەی شەپۆلی کۆریا کە بەردەوامە لە پەخشکردنی لە هەموو جیهاندا. هەروەها شۆن ڕۆڵی سەرەکی لە یەکەم زنجیرەی ڤیکی ئۆرجیناڵی “دراما وۆرلد” (٢٠١٦) و درامای وێب “فاک” (٢٠١٧) بینیوە.