Devin Özgür Çınar

دەربارەی ئەکتەر

ساڵی 1973 لەدایکبووە، لە ساڵی 1996 لە زانکۆی هاسێتێپی کۆنسێرڤاتۆری ویلایەتی ئەنقەرە، لە بەشی دراما دەرچووە. لە نێوان ماوەی ساڵانی ١٩٩٦-١٩٩٧ لە شانۆنامەیەکدا کە لەلایەن جان یوجەلەوە نووسراوە، بە ناوی "بەهار نۆکتاسی" (خاڵی بەهار) لە شانۆی شارەوانی باکیرکۆی بەشداری کردووە. لە ساڵی ١٩٩٦ تا ئێستا وەک ئەکتەری پاڵپشتی گرنگ ڕۆڵی لە زنجیرە گرنگ و بەناوبانگەکانی تەلەفزیۆنی تورکیادا گێڕاوە. لە نێوان ساڵانی ١٩٩٩-٢٠٠٠ لە زنجیرەیەکی تەلەفزیۆنی بە ناوی "ئیکینچی بەهار" (بەهاری دووەم) ڕۆڵی گێڕاوە، کە لە دەرهێنانی 'تورکان دێریا' بووە. جگە لەوانە، لە ساڵی ٢٠٠٠ لە فیلمێکی درێژدا ڕۆڵی گێڕاوە لە دەرهێنانی سێردار ئاکار، بە ناوی "دار ئالاندا کیسا پاسلاسمالار" (ئۆفساید) و لە فیلمێکی درێژدا لە دەرهێنانی تونج باساران، بە ناوی "ئەبوزەر کادایف" (ئەبوزەر باکلاڤا). ئێستا لە زنجیرەیەکی تەلەفزیۆنیدا بە ناوی "کارانلیکتا کۆسانلار" (ڕاکەران لە تاریکیدا) ڕۆڵی دەگێڕێت، کە لە دەرهێنانی ئوگور یوجەلە.