Devrim Yakut

لەدایکبوونی: 1968-05-27 شوێنی لەدایکبوون: Ankara, Turkey تێکڕای بەرهەم: 40

دەربارەی ئەکتەر

دێڤریم یاکوت ئەکتەری تورکی(شانۆ، زنجیرەی تیڤی، فیلم)و ڕاهێنەری نواندنە. لە ٢٧ی ئایاری ١٩٦٨ لە ئەنقەرە لەدایکبووە، دەرچووی زانکۆی DTCF بووە؛ بەشی شانۆ لە زانکۆی ئەنقەرە لە ساڵی ١٩٩٢. سەرەتا پەروەردەی گریمانەی شانۆی لە بەشی شانۆی DTCF و دواتر پەروەردەی نواندن وەرگرتووە. لە ساڵی ١٩٩٤ بەشداری لە ستافی شانۆی دەوڵەتی ئەدانە کردووە و تا ساڵی ٢٠٠٣ لەوێ بەردەوام بووە لە ئەرکەکەی، لە فیلمی The Atelier of Adana Theatre کاری کردووە کە هەروەها لەنێو دامەزرێنەرەکانیدایە. لەم دامەزراوەیەدا جگە لە کاری نواندن وەک بەرهەمهێنەر و ڕاهێنەریش کاری کردووە. لە ساڵی ٢٠٠٣ لە شانۆی دەوڵەتی ئەنقەرە دامەزراوە، تا ساڵی ٢٠٠٥ لە بەشی شانۆی DTCF لە زانکۆی ئەنقەرە وانە دەڵێتەوە لەسەر بنەماکانی نواندن، لە ساڵی ٢٠٠٧ ئەرکی یاریدەدەری بنەمای لە شانۆی دەوڵەتی ئەنقەرە بەڕێوەبردووە، لە نێوان ساڵانی ٢٠٠٧-٢٠٠٨ بەڕێوەبەری شانۆی دەوڵەتی ئەنقەرە بووە. لە وەرزی شانۆی ساڵانی ٢٠٠٦-٢٠٠٧ بە شانۆنامەی "کۆجاسینی پیسیرێن کادین" بەشداری شانۆی بەرهەمهێنانی ئاسیا کردووە. هێشتا لە پرۆگرامی پۆست گریجوەیتی زانکۆی بەهجەشەهیر لە ئەستەنبوڵ وانە دەڵێتەوە. خەڵاتەکان: خەڵاتی باشترین ئەکتەری میوزیک یان کۆمیدی لە شانۆی سەدری ئەلیسیکی وەرگرتووە لە ساڵی ٢٠٠٧. هەروەها خەڵاتی ئەکتەری بەڵێندەر لەلایەن دامەزراوەی هونەری ئەنقەرە بە شانۆنامەی "فرانکی پێنجەم" وەرگرتووە. خەڵاتی باشترین ئەکتەر لە خەڵاتی هەشتەمی شێرەکان لەلایەن "تێک کیسیلیک سێهیر"ەوە هەبووە و لەگەڵ "تێک کیسیلیک سێهیر" خەڵاتی باشترین ئەکتەری ساڵ لەلایەن دامەزراوەی هونەری ئەنقەرە وەرگرتووە.