Nur Sürer

دەربارەی ئەکتەر

نور سورەر لە دایکبووی ٢١ی حوزەیرانی ١٩٥٤، خانمە ئەکتەرێکی تورکیایە. خوێندنی لە ئامادەیی کچانی بورسا ئەنادۆڵ تەواو کردووە. سەرەتای کاری سینەما بە فیلمی (بەرێکتلی تۆپراکلەر ئوزێریندێ) لە دەرهێنانی ئێردێن کیرال (لە سەر خاکە بەپیتەکان) دەستی بە کاری سینەما کردووە و دووجار لە فێستیڤاڵی فیلمی پرتەقاڵی زێڕینی ئەنتالیا خەڵاتی "باشترین ئەکتەر"ی بەدەستهێناوە. تا ئێستا لە زیاتر لە چل فیلم و زنجیرە تەلەفزیۆنیدا بەشداری کردووە. یەکەم کاری نێودەوڵەتی فیلمی ئاینا بوو لە ساڵی ١٩٨٤، ئەم فیلمە خەڵاتی ئۆسکاری فیلمی "باشترین فیلمی زمانی بیانی"ی لە ساڵی ١٩٩١ بەدەستهێنا، دواتر ئومودا یۆلکولووک (١٩٩٠)، دانکل شاتن دێر ئەنگست (١٩٩٣) و یارا (١٩٩٨) بەدوای خۆیدا هێنا. بۆ یەکەمجار لە ساڵی ١٩٨١ هاوسەرگیری لەگەڵ بولێنت کایاباس کردووە، دواتر هاوسەرگیری لەگەڵ سەرپ کورای کردووە کە بەهۆی ئەوەی سەرۆکی ڕێکخراوی چەپی چەکداری بزووتنەوەی ١٦ی حوزەیران بووە، سزای زیندانی هەتاهەتایی بەسەردا سەپێنراوە. سورەر کە لە نزیکەوە حەزی لە مافەکانی ژنانە، بە هەڵوێستی سیاسیش ناسراوە. لە ساڵی ٢٠٠٧ بەشداری لە ئاهەنگەکانی ١ی ئایار لە ئەستەنبوڵ کرد و لەلایەن پۆلیسەوە دەستبەسەرکرا بەڵام ڕۆژێک دواتر ئازادکرا. سورەر ڕۆڵی کارەکتەری "نێریمان کۆزجوئۆغڵو"ی لە زنجیرە تەلەفزیۆنی ئاسی بینی کە لە نێوان ساڵانی ٢٠٠٧-٢٠٠٩ لە کەناڵ دی پەخشکرا. لە ساڵی ٢٠٢١ سورەر بە فیلمی سێن، بن لینین گەڕایەوە سینەما و بە زنجیرەی تەلەفزیۆنی ئایلە لە ساڵی ٢٠٢٣ درێژە بە کاری نواندنی تەلەفزیۆنی دەدات.