Krystal Jung

دەربارەی ئەکتەر

جونگ سوو جونگ (هەنگول: 정수정؛ لەدایکبووی ٢٤ی تشرینی یەکەمی ١٩٩٤) بەڵام زیاتر بە کریستاڵ ناسراوە، گۆرانیبێژ و ئەکتەری ئایدڵی کۆریای باشوورە و لەدایکبووی ئەمریکایە. لە ساڵی ٢٠٠٠ لەلایەن کۆمپانیای ئێس ئێم ئینتەرتەینمەنتەوە دۆزرایەوە، تا ساڵی ٢٠٠٢ دەستی بە وێنەگرتنی ڕیکلام و ڤیدیۆکلیپەکان کردووە، لە ئێستادا ئەندامی گروپی کچانی پێنج کەسی کۆرییە f(x) کە لەلایەن کۆمپانیای ئێس ئێم ئینتەرتەینمەنتەوە لە ساڵی ٢٠٠٩ پێکهێنراوە. کریستاڵ لە شاری سانفرانسیسکۆ لە ویلایەتی کالیفۆرنیا لەدایک بووە و لە ساڵانی هەشتاکانی سەدەی ڕابردوودا خێزانەکەی خەڵکی کۆریای باشوور لەوێ نیشتەجێ بوون. لە کاتی گەشتێکی خێزانییدا بۆ کۆریای باشوور لە سەرەتای ساڵی ٢٠٠٠ کاتێک کریستاڵ تەمەنی پێنج ساڵ بوو، لەلایەن ئاژانسی بەهرەمەندەکانی ئێس ئێم ئینتەرتەینمەنتەوە بینرا، ئەمەش بووە هۆی ئەوەی کە لە کلیپی "رێپێوانی هاوسەرگیری"ی شینهوا دەربکەوێت. ئاژانسەکە توانای لە کریستاڵدا بینی و وانەکانی گۆرانی و سەمای پێشکەش کرد، هەڵبژارد بە شێوەیەکی پیشەیی ڕاهێنانی پێبکات لە پیشەی گۆرانی وتندا. بەڵام ئەو پێشنیارە لەلایەن دایک و باوکیەوە ڕەتکرایەوە، بەو هۆکارەی کە کریستاڵ زۆر گەنجە. لەبری ئەوە، دایک و باوکی ڕێگەیان بە خوشکە گەورەکەی جێسیکا یۆنگ دا پەیوەندی بەو ئاژانسە بکات، کە بۆ یەکەمجار وەک ئەندامی گروپی کچانی نەوەی کچان لە مانگی ئابی ٢٠٠٧دا بەشداری کرد. لە ساڵی ٢٠٠٢ کریستاڵ دەستی کرد بە دەرکەوتن لە ڕیکلامە تەلەفزیۆنییەکان. بۆ یەکەمجار لە ڕیکلامێکی لۆتێ لەگەڵ ئەکتەری کۆری هان گا ئین دەرکەوت. لە ساڵی ٢٠٠٦ دایک و باوکی ڕێگەیان پێدا پەیوەندی بە کۆمپانیای ئێس ئێم ئینتەرتەینمەنتەوە بکات و ئاژانسەکە ناوی لە وانەکانی سەمادا تۆمارکرد، لەنێویاندا هیپ هۆپ و جاز. بەگوێرەی ڕاپۆرتێکی تایبەتی دەزگای میدیایی لە 18ی ئاب، کریستاڵ بڕیاریداوە ڕێگەی جیابوونەوە لە ئاژانسەکەی بەناوی ئێس ئێم ئینتەرتەینمەنت.