Ezgi Mola

دەربارەی ئەکتەر

ئێزگی مۆلا لە ٢٩ی ئازاری ١٩٨٣ لە شاری ئەستەنبوڵ لەدایک بووە. ئەو بەڕەچەڵەک خەڵکی شاری مالاتیایە. ئێزگی مۆلا کە خوێندنی سەرەتایی و ئامادەیی لە ئەستەنبوڵ وەرگرتووە، هەر لە قۆناغی ئامادەیی بوو، لە سەنتەری هونەری موجدەت گێزن دەستی بە خوێندنی نواندن کردووە، بەو پێیەی لە تەمەنێکی بچووکەوە حەزی لە نواندن بووە. مۆلا کە دوای تەواوکردنی خوێندنی ئامادەیی لە هەمان ناوەندی هونەر درێژەی بە خوێندن داوە، لە سەنتەری هونەری موجدەت گێزێن بە پلەی یەکەمی بەشەکە دەرچووە. کاتێک تەمەنی تەنها ١٧ ساڵ بوو، یەکەم ئەزموونی تەلەفزیۆنی لە ساڵی ٢٠٠٠ بە زنجیرەی تەلەفزیۆنی کاراتێ جان بەدەستهێنا کە لە دەرهێنانی کارتال تبت بوو. دوای تەواوکردنی خوێندنی ٤ ساڵەی لە سەنتەری هونەری موجدەت، بۆ ماوەی ٢ ساڵ لە لایەن ئایدۆغان تەمێلەوە ڕاهێنانی شانۆی وەرگرتووە. هەروەها یەکەم ئەزموونی شانۆیی لەگەڵ شانۆنامەی چوروک ئێلما لە گرووپی شانۆیی بە سەرۆکایەتی ئایدۆغان تەمێل هەبووە. ئێزگی مۆلا، کە لە تشرینی دووەمی ٢٠٠٥ پەیوەندی بە کۆمپانیای بی کەی ئێم موتفاکەوە کردووە، لە هەمان ساڵدا بە ڕۆڵی ئارایشتکارێکی بێهەڵوێست لە زنجیرە تەلەفزیۆنییەکەی هیرسیز پۆلیسدا، لە لایەن بینەرێکی فراوانەوە ناسرا و خۆشەویست بوو. بەڵام سەرکەوتنی ڕاستەقینەی خۆی لە ساڵی ٢٠٠٦ بە فیلمی "تۆ ژنی ژیانی منی" بەدەست هێنا، کە تێیدا لەگەڵ تورکان سۆرای ڕۆڵی سەرەکی بینی. لە ساڵی 2007 لەم فیلمەدا خەڵاتی سەدری ئەلیسیک بۆ باشترین ئەکتەری پاڵپشت بەدەستهێنا، کە تیایدا چانسی ئەوەی هەبوو ڕۆڵێک ببینێت کە بتوانێت خۆی تێدا پیشان بدات و لەوێشدا لەگەڵ تورکان سۆرای ڕۆڵی گێڕاوە، کە هەوادارێکی شەخسی بوو. لە ساڵی ٢٠٠٨ ڕۆڵی سەرەکی بینی لە فیلمی سیت کۆمی ئیمپرۆڤیزەی کە لە دەرهێنانی ئوگور یوجەل بوو، کە یەکەم فیلم بوو لە تورکیا. دواتر دەستی کرد بە گەیاندنی ژیانی پیشەیی خۆی بۆ لوتکە بە چەندین ڕیکلام و پڕۆژە. وەک کەسێکی ناسراو و خۆشەویست لەلایەن هەموو کەسێکەوە لە ٧ تا ٧٠ ساڵان بە تایبەتی لە بەرنامەی کات بەسەربردن بە ناوی ئەرکەداسیم هۆسگێلدین، لەگەڵ تۆلگا چەڤیک بە شێوەیەکی هەمیشەیی هاتە ناو ژیانمانەوە. لە ئێستادا ڕۆڵی سەفیە دێرینئۆغلو دەگێڕێت کە یەکێکە لە کارەکتەرە سەرەکییەکانی زنجیرە تەلەفزیۆنی شوقەی مەعسوملار کە لە کەناڵی TRT پەخش دەکرێت و لە 15ی ئەیلولی 2020 دەستی بە پەخشکردنی کردووە، لە ساڵی 2021 خەڵاتی خانمە ئەکتەری تەلەفزیۆنی ساڵی وەرگرتووە بەهۆی نواندنی لەم زنجیرەیەدا. جگە لەمانە بەشداری لە دەیان زنجیرە تەلەفزیۆنی و فیلم و شانۆ و پڕۆژەی بازرگانی جیاوازدا کردووە. - ژیاننامەی بچووکی IMDb لەلایەن: yusufpiskin