Chris Dodd

لەدایکبوونی: 1944-05-27 شوێنی لەدایکبوون: Willimantic, Connecticut, USA تێکڕای بەرهەم: 22

دەربارەی ئەکتەر

کریستوفر جۆن دۆد لەدایکبووی ٢٧ی ئایاری ١٩٤٤، لۆبیست و پارێزەر و سیاسەتمەداری پارتی دیموکراتی ئەمریکییە و لە ساڵی ١٩٨١ تا ٢٠١١ وەک سیناتۆری ویلایەتە یەکگرتووەکانی ئەمریکا لە ویلایەتی کۆنتێکتیکۆتەوە کاری کردووە، دۆد درێژترین سیناتۆرە لە مێژووی کۆنتێکتیکۆتدا. لە ساڵی ١٩٧٥ تا ١٩٨١ لە ئەنجومەنی نوێنەرانی ئەمریکا کاری کردووە. دۆد خەڵکی ویلایەتی کۆنتێکتیکۆتە و دەرچووی قوتابخانەی ئامادەکاری جۆرج تاونە لە شاری بێثیسدا لە ویلایەتی میریلاند و کۆلێژی پرۆڤیدێنس. هەروەها باوکی تۆماس جەی دۆد لە ساڵی ١٩٥٩ تا ١٩٧١ سیناتۆری ویلایەتە یەکگرتووەکانی ئەمریکا بووە، کریس دۆد پێش ئەوەی بچێتە قوتابخانەی یاسای زانکۆی لویسڤیل بۆ ماوەی دوو ساڵ لە فەیلەقی ئاشتیدا کاری کردووە، لە ماوەی خوێندنی یاساشدا هاوکات لە یەدەگی سوپای ئەمریکادا کاری کردووە. دۆد گەڕایەوە بۆ ویلایەتی کۆنتێکتیکۆت و لە ساڵی ١٩٧٤ لە هەڵبژاردنی ئەنجومەنی نوێنەرانی ئەمریکا لە ناوچەی دووەمی کۆنگرێسی کۆنتێکتیکۆت سەرکەوتنی بەدەستهێنا و لە ساڵانی ١٩٧٦ و ١٩٧٨ دووبارە هەڵبژێردرایەوە، لە ساڵی ١٩٨٠ بۆ ئەنجومەنی پیرانی ئەمریکا هەڵبژێردرا، دۆد لە ساڵی ١٩٩٥ تا ١٩٩٧ وەک سەرۆکی گشتی کۆمیتەی نیشتمانی دیموکراتەکان کاری کردووە سەرۆکی لیژنەی بانکی ئەنجومەنی پیران لە ساڵی ٢٠٠٧ تا خانەنشین بوونی لە سیاسەت. لە ساڵی ٢٠٠٦ دۆد بڕیاریدا خۆی بۆ کاندیدکردنی دیموکراتەکان بۆ سەرۆکایەتی ئەمریکا کاندید بکات، بەڵام دواجار پاش ئەوەی لە دوای چەند ڕکابەرێکی دیکەوە خۆی کاندید کرد، کشایەوە. لە مانگی یەکی ساڵی ٢٠١٠ دۆد ڕایگەیاند کە خۆی بۆ دووبارە هەڵبژاردن کاندید ناکاتەوە. لە شوێنی دۆد هاوڕێی دیموکراتەکەی ڕیچارد بلومێنتال هاتە سەر. پاشان دۆد لە ساڵی ٢٠١١ تا ٢٠١٧ وەک سەرۆک و سەرۆکی لۆبیست بۆ کۆمەڵەی فیلمی جوڵاوی ئەمریکا (MPAA) کاری کردووە، لە ساڵی ٢٠١٨ دۆد گەڕایەوە بۆ کاری یاسا و پەیوەندی بە کۆمپانیای ئارنۆڵد و پۆرتێرەوە کردووە. جگە لەوەی ئەندامی کۆبوونەوەی ڕیفۆرمەرز لە پرسی یەکەمە، دۆد ڕاوێژکارێکی نزیکە لە سەرۆک جۆ بایدن و لە لیژنەی هەڵبژاردنی جێگری سەرۆکایەتییەکەیدا کاری کردووە.