Kartal Tibet

دەربارەی ئەکتەر

کارتال تبت (بە ئینگلیزی : Kartal Tibet ) (بە ئینگلیزی : Kartal Tibet ) (٢٧ی ئازاری ١٩٣٩، ئەنقەرە - ١ی تەمموزی ٢٠٢١)، ئەکتەر، دەرهێنەر، سیناریۆنووس و بەرهەمهێنەری تورکی بووە. وەک ئەکتەر و دەرهێنەر و سیناریۆنووس بەشداری لە نزیکەی دوو سەد فیلم و زنجیرە تەلەفزیۆنیدا کردووە. لە سینەمادا بۆ یەکەمجار ڕۆڵی سەرەکی لە وەرگێڕانی کتێبی کۆمیک کارائۆغلان و فیلمە سەرگەردانەکانی تارکاندا بینی. لە ساڵانی حەفتاکانی سەدەی ڕابردوودا ڕۆڵی سەرەکی لەگەڵ زۆرێک لە ئەکتەرەکاندا هاوبەش کردووە لەوانە هولیا کۆچیگیت، تورکان شۆرای، فاتمە گیریک، هەڵە سۆیگازی و فیلیز ئاکین. تبت لە ساڵی 1977 یەکەم دەرهێنەرایەتی لەگەڵ تۆسون پاشا ئەنجامدا و دەرهێنانی 56 فیلمی کردووە، کە زیاتر لە بیست فیلمیان کەمال سونال ڕۆڵی سەرەکی تێدا گێڕاوە. هەروەها سیناریۆی فیلمەکانی وەک داڤارۆ، شەندول شەبان و شەبانیە نووسیوە. لە ساڵی ٢٠٠٢ خەڵاتی ڕێزلێنانی تەمەنی فێستیڤاڵی فیلمی پرتەقاڵی زێڕینی پێبەخشرا و لە ساڵی ٢٠٠٦ خەڵاتی یادەوەری یڵدرم ئوناڵی پێبەخشرا بەهۆی بەشدارییەکانی لە سینەمای تورکیادا. لە 1ی تەمموزی 2021 لە تەمەنی 82 ساڵیدا لە شاری ئەستەنبوڵ کۆچی دوایی کرد.