Ivan Vyrypaev

دەربارەی ئەکتەر

ئیڤان ئەلێکساندرۆڤیچ ڤیریپاڤ (بە ڕووسی: Ива́н Алекса́ндрович Вырыпа́ев؛ لەدایکبووی ٣ی ئابی ١٩٧٤؛ ئیرکوتسک) شانۆنامەنووس، سیناریۆنووس، دەرهێنەری فیلم/شانۆ و ئەکتەری ڕووسییە، کە لە ڕووسیا و پۆڵەندا کاردەکات. کەسایەتییەکی پێشەنگی بزووتنەوەی درامای نوێی ڕووسیایە. زیاتر بە شانۆنامەکانی "ئۆکسجین" ("کیسلۆرۆد") و "سەمای دەلهی" ناسراوە، کە چەندین خەڵاتی لە هەردوو بواری شانۆ و فیلمدا بەدەستهێناوە. باوک — ئەلێکساندەر نیکۆلایڤیچ ڤیریپایڤ، مامۆستا لە کۆلێژی پێداگۆژی ژمارە یەک لە ئیرکوتسک، میدالیای یادەوەری "نیشتمانپەروەری ڕووسیا"ی پێبەخشرا. دایکی — ڤێرا تیمۆفیڤنا ڤیریپاێڤا، خوێندنی باڵای بازرگانی هەبوو، بە شێوەیەکی کارەساتبار کۆچی دوایی کرد. ئیڤان لە ساڵی ١٩٩٥ لە قوتابخانەی شانۆی ئیرکوتسک دەرچووە، دوای ئەوە بۆ ماوەی یەک وەرز وەک ئەکتەری شانۆی مەگادان کاری کردووە، پاشان بۆ ماوەی دوو وەرز وەک ئەکتەری شانۆی دراما و شانۆی کۆمیدی لە کامچاتکا. لە ساڵی ١٩٩٨ ستۆدیۆی شانۆی "فەزای یاری" لە شاری ئیرکوتسک دامەزراندووە. هەر لەو ساڵەدا ئیڤان بوو بە خوێندکاری پەیمانگای شانۆی بۆریس شچوکین، بە غیابی لە بەشی "بەڕێوەبەری شانۆی دراما" دەخوێند. لە ساڵانی ١٩٩٩-٢٠٠١، ڤیریپاڤ لە قوتابخانەی شانۆی ئیرکوتسک، لەسەر خولی ڤیاچێسلاڤ کۆکۆرین، وانە بە کارامەیی نواندن دەگوتەوە. لە ساڵی ٢٠٠٥ دەزگای بۆ پڕۆژەی داهێنەرانە لە بواری سینەما و شانۆ و ئەدەبی "بزووتنەوەی کیسلۆرۆد" دروست کردووە لە ساڵی ٢٠٠٦ وەک بەڕێوەبەری هونەری "شانۆی پراکتیکا" کاری کردووە. لە مانگی نیسانی ساڵی ٢٠١٣ پۆستی بەڕێوەبەری هونەری "شانۆی پراکتیکا"ی وەرگرتووە. ڤیریپاڤ وەک شانۆنامەنووس و دەرهێنەر و نووسەری کۆمەڵێک پڕۆژەی شانۆ لە ئەوروپا ناوبانگی دەرکرد. بەرهەمەکانی، هەروەها نمایشەکانی لەسەر بنەمای شانۆنامەکانی، لە پۆڵەندا، ئەڵمانیا، کۆماری چیک، بولگاریا، ئینگلتەرا، فەرەنسا و کەنەدا نمایش دەکرێن. شانۆنامەی "خەونەکان" وەرگێڕدراوە بۆ سەر زمانی ئینگلیزی، فەرەنسی، ئەڵمانی، بولگاری، و پۆڵەندی، شانۆنامەی "ڕۆژی خۆشەویستی" وەرگێڕدراوە بۆ سەر زمانی ئەڵمانی، شانۆنامەی "ئۆکسجین"یش وەرگێڕدراوە بۆ کۆمەڵێک زمانی بیانی. لە زانکۆی GITIS و لە قوتابخانەی ستۆدیۆی شانۆی هونەری مۆسکۆ و لە ئەکادیمیای هونەری شانۆی وارشۆ وانەبێژ بووە. لە مۆسکۆ کاردەکات، لە هەردوو وڵاتی پۆڵەندا و ڕووسیا دەژی.