David Batra

دەربارەی ئەکتەر

دەیڤید چادرا باترا لەدایکبووی ١٩٧٢، ئەکتەری کۆمیدی ستاند ئاپ و ئەکتەری تەلەفزیۆنی سویدییە. لە شاری لوند لەدایک بووە و دایکی سویدییە و باوکی بە ڕەچەڵەک هیندییە. دەیڤید باترا خاوەنی بڕوانامەی ماستەرە لە بواری بازرگانی کە لە زانکۆی لوند و زانکۆی سلیپەری ڕۆک لە ویلایەتی پێنسیلڤانیا لە ئەمریکا خوێندوویەتی. باترا لە ساڵی ١٩٩٤ دەستی بە کاری ستاند ئاپ کۆمیدی کردووە و لە تیڤی نیشتمانی سویددا نووسیویەتی و ڕۆڵی سەرەکی لە زنجیرە کۆمیدییەکان بینیوە. نەک تەنها لە سوید بەڵکو لە دانیمارک، فینلاند، نەرویج، ڕووسیا، ئیسپانیا و ئەمریکاش نمایشی کردووە. جگە لەوەش لە کەناڵەکانی بی بی سی و سی ئێن بی سی دەرکەوتووە. لە ٢٥ی ئابی ٢٠٠٩، باترا سی دییەکی مۆسیقای بڵاوکردەوە کە "دەنگی وروژێنەر و بێزارکەر"ی تێدابوو بۆ ئەو کەسانەی کە مەبەستیان تێکدانی دراوسێکانیانە. دیسکەکە تایبەتمەندی خڕخڕێکی بەرز و چرچ و لۆچی و ژاوەژاوی سێکسی و زۆر شتی تری تێدایە.