Willard Robertson

لەدایکبوونی: 1885-12-31 شوێنی لەدایکبوون: Runnels, Texas, USA تێکڕای بەرهەم: 129

دەربارەی ئەکتەر

لە ویکیپیدیا، ئینسایکلۆپیدیای ئازاد ویلیارد ڕۆبەرتسۆن (بە ئینگلیزی : Willard Robertson ) (١ی ژانویەی ١٨٨٦ - ٥ی نیسانی ١٩٤٨) ئەکتەر و نووسەری ئەمریکی بوو. لە نێوان ساڵانی ١٩٢٤ بۆ ١٩٤٨ لە ١٤٧ فیلمدا بەشداری کردووە، لە شاری ڕونێڵز لە ویلایەتی تەکساس لەدایک بووە و لە شاری هۆلیوودی ویلایەتی کالیفۆرنیا کۆچی دوایی کردووە. ویلیارد ڕۆبەرتسۆن بۆ یەکەمجار لە ویلایەتی تەکساس وەک پارێزەر کاری کردووە، بەڵام بەهۆی ئارەزووی لەناکاو بۆ نواندن پیشەکەی جێهێشتووە. لە نێوان ساڵانی ١٩٠٧ بۆ ١٩٣٠ لە ١٦ شانۆگەریدا لە برادۆی دەرکەوتووە، ڕۆبەرتسۆن ڕۆڵی پاڵپشتی لە زۆرێک لە فیلمەکانی هۆلیووددا بینیوە لە ساڵی ١٩٣٠ تا ئەو ساڵەی کۆچی دوایی کردووە، بە شێوەیەکی گشتی پیاوە دەسەڵاتدارەکانی وەک پزیشک، بەرپرسانی هەڵبژێردراو، ئەفسەری سەربازی و هەروەها پارێزەرەکانی گێڕاوە. لە درامای سکیپی (١٩٣١) و بەدواداچوونەکەیدا سوکی (١٩٣١) ڕۆڵی باوکی توند و خۆشەویستی جاکی کوپەری گێڕا. هەروەها ڕۆبەرتسۆن لە فیلمی شەو لەبیر بکە (١٩٤٠) پارێزەرێکی خۆڕاگر و لە فیلمی ڕووداوی ئۆکس-بۆ (١٩٤٣)دا ڕۆڵی شەریفی ڕاستگۆی گێڕاوە. هەروەها ویلیارد ڕۆبەرتسۆن نووسەرێکی دیار بوو لە چەندین شانۆنامەدا، دوو لەوانە وەرگێڕدراون بۆ فیلم. هەروەها ڕۆمانی Moon Tide (1940)ی نووسی کە گۆڕدرا بۆ فیلمی درامای تریلەری Moontide (1942)ی ئارچی مایۆ کە جین گابین و ئیدا لوپینۆ ڕۆڵی سەرەکی تێدا دەگێڕن.