Bob Peterson

دەربارەی ئەکتەر

ڕۆبێرت "بۆب" پیتەرسن (بە ئینگلیزی : Robert "Bob" Peterson لەدایکبووی مانگی یەکی ساڵی ١٩٦١، ئەنیمەیشنکار و سیناریۆنووس و دەرهێنەر و ئەکتەری دەنگی ئەمریکییە، لە ساڵی ١٩٩٤ەوە لە کۆمپانیای پیکسار کاری کردووە، یەکەم کاری کاری هونەری نەخشە و ئەنیمەیشن بووە لە فیلمی Toy Story. بەهۆی سیناریۆی فیلمی Finding Nemo پاڵێوراو بوو بۆ خەڵاتی ئۆسکار. پیتەرسۆن هاوکارە لە دەرهێنەر و نووسەری فیلمی Up، کە بووە هۆی ئەوەی دووەم پاڵێوراوی خەڵاتی ئۆسکار بێت. هەروەها دەنگی ڕۆزی لە فیلمی Monsters, Inc.، مێستێر ڕەی لە فیلمی Finding Nemo، Dug the dog و Alpha the dog لە فیلمی Up و لە Dug's Special Mission و Janitor لە فیلمی Toy Story 3 پێشکەش کردووە. پیتەرسۆن لە شاری ووستەر لە ویلایەتی ئۆهایۆ لەدایکبووە، خێزانەکەی ڕوویان لە شاری دۆڤەر لە ویلایەتی ئۆهایۆ کردووە و لەوێ خوێندنی ئامادەیی دۆڤەری تەواو کردووە. بڕوانامەی بەکالۆریۆسی لە زانکۆی ئۆهایۆ باکوور وەرگرتووە، و بڕوانامەی ماستەر لە ئەندازیاری میکانیکی لە زانکۆی پوردۆ لە ساڵی ١٩٨٦. لەکاتی خوێندنی لە پوردۆ، کۆمیک ستریپی لۆکۆ مۆتیڤز بۆ پوردۆ ئێکسپۆنێنت نووسیوە و وێنەی کێشاوە. پێش هاتنی بۆ پیکسار، پیتەرسۆن لە کۆمپانیای Wavefront Technologies و Rezn8 Productions کاری کردووە. لە ساڵی ٢٠٠٨ پیتەرسۆن ڕۆڵی تێری کەین بینی کە بوکەڵەباز بوو لە یەکەم فیلمی درێژی دان سکانلۆن تریسی. هەروەها دەنگی زیادەی لە فیلمی تۆکیۆ ماتەر لە ساڵی ٢٠٠٨ ڕۆڵی گێڕاوە، و دەنگی مێستێر ڕەی بۆ سواربوونی گەشتی ژێردەریایی دۆزینەوەی نیمۆ لە پارکەکەی دیزنیلەند لە ساڵی ٢٠٠٧. دوایین کاری لە پیکسار دەنگی دانیتەر بوو لە سەنتەری چاودێری ڕۆژانەی سەنیساید لە فیلمی ١١ی پیکسار، چیرۆکی یاری ٣ کە لە ١٨ی حوزەیرانی ٢٠١٠ بڵاوکرایەوە. وەسفکردنی سەرەوە لە وتارەکەی ویکیپیدیا Bob Peterson (ئەنیمەیتەر)، مۆڵەتی بەپێی CC-BY-SA، لیستی تەواوی بەشداربووان لە ویکیپیدیا.